Two Lines Poetry

YAADON KI AAG THI KE..

Yaadon ki aag thi ke khayalon ki chaandni,
Shab bhar mere makaan main ik roshni rahi..

Daagh duniya ne diye zakhm zamane se mile,
Hum ko tohfe yeh tumhe dost banane se mile..

Bura na maan zia us ki saaf-goi ka,
Jo dard-mand bhi hai aur be-adab bhi nahin

Dil pagal hai roz nayi nadani karta hai,
Aag main aag milata hai phir paani karta hai..

Sarfaroshi ki tamana ab hamare dil main hai,
Dekhnaa hai zor kitnaa baazu-e-qaatil mainn hai.

Ab jo ik hasrat-e-jawani hai,
Umar-e-rafta ki yeh nishani hai.

Hayaat leke chalo kainaat leke chalo,
Chalo to saare zamaane ko sath leke chalo..